Payal
Kadakia (Full story venture)
ពីដើមទុន 10,000 ដុល្លា ទៅជាក្រុមហ៊ុនតម្លៃ 1,000,000,000
ដុល្លា
Payal
Kadakia បានកើតនៅថ្ងៃទី 2 កុម្ភៈ ឆ្នាំ 1983 ក្នុងរដ្ឋ New Jersey ទឹកដីសហរដ្ឋអាមេរិក
គាត់មានឪពុកម្តាយជាជនអន្តោប្រវេសន៍ដ៏ក្រីក្រ
ដែលបានភៀសខ្លួនទៅរស់នៅទឹកដីប្រទេសមហាអំណាចនៅកំឡុងឆ្នាំ 1970 ដើម្បីស្វែងរកឳកាសថ្មីសម្រាប់ជីវិត…
ដោយសារតែឥទ្ធិពល និងវប្បធម៍ប្រទេសជាតិ Payal Kadakia គឺធំឡើងជាមួយនិងចំណាប់ជាមួយនឹងការរាំរែក…
នាងបានចូលរៀននៅក្នុងថ្នាក់របាំប្រពៃណីឥណ្ឌាតាំងពីអាយុ 3ឆ្នាំមកម្ល៉េះ
ហើយនាងក៏បានចាប់ផ្តើមចេញសម្តែងនៅក្នុងអាយុ 5ឆ្នាំ …
ចំណាប់អារម្មណ៍ និងភាពងប់ងល់នៃការរាំរបស់ Payal Kadakia វាក៏បានក្លាយទៅជាផ្នែកមួយនៃជីវិតរបស់នាង…។
ជីវិតសិក្សា និងការងារ… Payal Kadakia បានចូលរៀននៅក្នុងវិទ្យាល័យ Randolph ដែលនៅទីនោះនាងក៏ធ្លាប់មានចិត្តចាប់អារម្មណ៍ទៅលើមុខវិទ្យា គណិតវិទ្យា និងផ្នែកវិទ្យាសាស្ត្រផងដែរ ក្រោយមកទៅនាងក៏បានបន្តក៏សិក្សានៅក្នុងសកលវិទ្យាល័យ Massachusetts Institute of Technology ឬក៏ហៅកាត់ថាសកលវិទ្យាល័យ (MIT) , ហើយនាងក៏បញ្ចប់ការសិក្សា និងថែមទាំងទទួលបានសញ្ញាប័ត្រផ្នែកវិទ្យាសាស្ត្រផងដែរ…។ នៅឆ្នាំ 2005 ក្រោយពីបញ្ចប់ការសិក្សា Payal Kadakia ក៏បានចាប់ផ្តើមប្រលូកនៅក្នុងវិស័យការងារពេញម៉ោង ក្នុងតួនាទីជាអ្នកគ្រប់គ្រង និងប្រឹក្សាយោបល់ក្នុងក្រុមហ៊ុនមួយដែលមានឈ្មោះថា Bain & Company …។ លុះដល់ឆ្នាំ 2008 នាងក៏បានផ្លាស់ទៅក្រុមហ៊ុន Warner Music Group ក្នុងតួនាទីជាជំនួយការនាយក…
នៅកំឡុងពេលដែល Payal បំពេញការងារឲ្យក្រុមហ៊ុនដ៏ទៃ នាងក៏នៅតែបន្តក្តីស្រលាញ់របស់នាងចំពោះសិល្បៈរបាំប្រពៃណីរបស់នាងផងដែរ…។
ក្តីស្រលាញ់ដ៏ធំធេងចំពោះសិល្បៈរបាំរបស់ Payal
វាបានជួយជម្រុញកម្លាំងចិត្ត និងបានជួយសម្រួចភាពជាសហគ្រិន
រហូតដល់នាងបានគិតនឹងចាប់ផ្តើមបង្កើតក្រុមហ៊ុនមួយដែលមានឈ្មោះថា ClassPass …។
ដំណើរដើមទង
នៃការចាប់ផ្តើមអាជីវកម្ម ClassPass ដែលជាវេទិកាអនឡាញសម្រាប់អ្នកហាត់ប្រាណ
(Online Fitness Platform) ផ្តើមដោយទុន 10,000 ដុល្លា…
១…ក្តីសុបិន្ត
(ទស្សនវិស័យ និងគំនិត)
·
ក្នុងឆ្នាំ 2011…
·
កំណត់សំគាល់បញ្ហា និងតម្រូវការទីផ្សារ ៖ Payal Kadakia
បានធ្វើការកំណត់សំគាល់ឃើញបញ្ហានៅក្នុងវិស័យហាត់ប្រាណយករូបរាងកាយស្អាត (Fitness industry) ៖ គឺការហាត់ប្រាណទូទៅគឺមានតម្លៃថ្លៃ និងស្មុគស្មាញ…
ដែលវាជាឧបសគ្គដ៏ធំសម្រាប់មនុស្ស
ឬអ្នកហាត់ប្រាណទូទៅពួកគេមិនអាចស្វែងរកវិធីសាស្ត្រផ្សេងៗ
ក៏ដូចជាពួកគេត្រូវតែទៅកន្លែងហាត់ប្រាណជាប្រចាំ …វាហាក់ដូចជាពួកគេត្រូវជាប់សោរនៅមួយកន្លែង
…
·
អភិវឌ្ឍគំនិត និងរកដំណោះស្រាយ ដោយចាប់ផ្តើមបង្កើតផលិតផល
ឬសេវាកម្មគម្រូ ៖ ក្រោយពេលដែល
Payal Kadakia មើលឃើញបញ្ហានាងក៏បានចាប់ផ្តើមស្វែងរកគំនិត និងដំណោះស្រាយ
ចុងក្រោយ Payal Kadakia ក៏បានផុសគំនិតក្នុងការបង្តើត
ClassPass
ឡើង ដែលវាគឺជាវេទិកាអនឡាញសម្រាប់អ្នកហាត់ប្រាណ
ដោយពួកគេគ្រាន់តែធ្វើការបង់ប្រាក់ប្រចាំខែ (Subscription model) នោះពួកគេនឹងអាចមានគ្រូបង្ហាត់គ្រប់ទីកន្លែងដោយមិនចាំបាច់ទៅកន្លែងហាត់ប្រាណផ្ទាល់…
(ការបង្ហាត់បង្រៀនក្បួនហាត់ប្រាណតាមវេទិកាអនឡាញ)…
·
កំណត់បេសកកម្ម និងទស្សនវិស័យរយៈពេលវែង ៖ ក្រោយមក Payal Kadakia
ក៏បានកំណត់បេសកកម្មសម្រាប់វេទិកា ClassPass នោះគឺដើម្បីជម្រុញឲ្យមនុស្សអាចរស់នៅប្រកបដោយសុខភាពល្អ
មានរាងកាយស្អាត ក្រោមលក្ខខណ្ឌសាមញ្ញ និងងាយស្រួល
ដោយគ្រាន់តែប្រើម្រាមដៃចុចទូរស័ព្ទមួយឃ្លីក នោះអ្នកប្រើប្រាស់នឹងមានគ្រូបង្រៀនល្អៗ
និងថែមទាំងមានក្បួនហាត់ជាច្រើនផងដែរ… ចំណែកទស្សនវិស័យរយៈពេលវែងរបស់ ClassPass
នោះគឺបម្លែងទៅជាវេទិកាសកល (Global Platform)
ដើម្បីអាចផ្សារភ្ជាប់ទំនាក់ទំនងជាមួយមនុស្សនៅក្នុងពិភពលោក
ក្នុងការផ្តល់នូវបទពិសោធន៍ទាក់ទងទៅនឹងសុខភាពដ៏សម្បូរបែប…
២…ចាប់ផ្តើមសិក្សាអំពីទីផ្សារ
·
ឆ្នាំ 2011-2012
·
សិក្សាស្វែងយល់ពីទីផ្សារដើម្បីដឹងពីតម្រូវការ
និងការប្រកួតប្រជែង ៖ Payal
Kadakia បានធ្វើការសិក្សាទីផ្សារយ៉ាងហ្មតចត់ ចុងក្រោយនាងក៏បានកត់សំគាល់ឃើញថា
សេវាកម្មចុះឈ្មោះជាប្រចាំខែ (subscription model) គឺនៅមានចន្លោះប្រហោង
ហើយត្រូវតែប្រញ៉ាប់ធ្វើឲ្យបាន…
ហើយនាងក៏បានរកឃើញថាសម្រាប់ដៃគូប្រកួតប្រជែងគឺពួកគេនៅខ្វះខាតភាពបទបែនសម្រាប់សមាជិកដែលចុះឈ្មោះ
ដូច្នេះវាក៏បានក្លាយជាឳកាសដ៏ល្អ…
·
ពង្រឹងគំនិត បង្កើតផលិតផល និងសេវាកម្មគម្រូ
ចាប់ផ្តើមបើកឲ្យមានការបញ្ជាទិញទុកមុន (Pre-sale-order) ៖ Payal Kadakia បានចាប់ផ្តើមសាកល្បងធ្វើការតេស្តទីផ្សារដោយនាងបានចាប់ផ្តើមផ្ញើគម្រូសេវាកម្មថ្មីរបស់នាងទៅដល់អតិថិជនដែលមានសក្តានុពលមួយចំនួន…
នាងក៏បានយកគម្រូសេវាកម្មរបស់នាងទៅតេស្តសាកល្បងបន្ថែមក្នុងន័យកិច្ចសហការជាមួយក្លឹបហាត់
ឬក៏ Gym
center, fitness studio… ចុងក្រោយព័ត៌មានដែលទទួលបានគឺវាមានភាពវិជ្ជមានខ្លាំង
ទាំងអ្នកដែលចង់ប្រើប្រាស់សេវាកម្ម (Monthly subscription) ក៏ច្រើន
ចំណែក ក្លឹបហាត់ប្រាណក៏បានបង្ហាញចំណាប់អារម្មណ៍ពេញចិត្ត…
·
ចាប់ផ្តើមកំណត់អតិថិជនគោលដៅ
និងកំណត់ការឈឺចាប់របស់ពួកគេទាំងនោះ ៖ ClassPass បានកំណត់យកអតិថិជនគោលដៅជាមនុស្សដែលមានវ័យក្មេងល្មម…
ជាពិសេសអ្នកដែលចង់បានជម្រើសក្នុងការហាត់ប្រាណដោយសម្បូរបែប… តែមិនចង់ជាប់
Lock នៅតែមួយកន្លែង ( Locked in one
gym center)… ចំពោះការឈឺចាប់គឺ ClassPass បានផ្តោតលើភាពបទបែនរបស់សមាជិក
ដែលពួកគេពិបាកស្វែងរកក្បួន និងក្បាច់ថ្មីៗនៃការហាត់ប្រាណ និងមិនអាចផ្លាស់ប្តូរកន្លែងដោយខ្លាចការបង់ថ្លៃចំណាយខ្ជះខ្ជាយ…
៣…ការរៀបចំផែនការ
និង យុទ្ធសាស្រ្ត
·
ឆ្នាំ 2012
·
ចាប់ផ្តើមរៀបចំផែនការអាជីវកម្ម (គោលដៅ, ដើមទុន,
យុទ្ធសាស្រ្តទីផ្សារ, និងប្រតិបត្តិការជាដើម) ៖ Payal Kadakia បានចាប់ផ្តើមសរសេរផែនការអាជីវកម្ម ដោយរួមបញ្ចូលដូចជា
គោលដៅលម្អិតក្រុមហ៊ុន ការពង្រីកទៅទីក្រុងផ្សេងៗ ចំនួនសមាជិកដែលត្រូវការ
និងការពង្រីកទំហំសមាជិកបន្ថែមជាដើម… Payal
Kadakia
ក៏បានគ្រោងនូវផែនការផលិតប្រាក់ចំណូលតាមរយៈការផ្តល់ឲ្យអតិថិជនធ្វើការទូទាត់ប្រាក់ជាប្រចាំខែតាមទម្រង់
(Monthly
subscription)… ហើយការចែកចំណូលទៅ
ក្លឹបហាត់ប្រាណដែលជាដៃគូគឺអាស្រ័យលើចំនួនអ្នកដែលចូលរួមចុះឈ្មោះ…
·
ជ្រើសរើសម៉ូឌេលអាជីវកម្ម (B2B , B2C,
Subscription…) ៖ ClassPass បានជ្រើសយកជម្រើស
B2C subscription មានន័យថាលក់ទៅឲ្យអតិថិជនផ្ទាល់ដោយតម្រូវឲ្យពួកគេបង់ប្រាក់ជាប្រចាំខែ
ជាទម្រង់ Subscription,
·
កំណត់តម្លៃ និងយុទ្ធសាស្ត្របង្កើនប្រាក់ចំណូល ៖
តម្លៃដំបូងត្រូវបានកំណត់គឺ 99 ដុល្លាក្នុងមួយខែ
ដោយអ្នកចុះឈ្មោះអាចសិក្សាក្បួនហាត់ បានចំនួន 10
ថ្នាក់ផ្សេងៗគ្នា…
៤…បង្កើតផលិតផល
និងសេវាកម្ម
·
ឆ្នាំ 2012-2013
·
អភិវឌ្ឍផលិតផល (ការបង្កើត រួមមានការស្វែងរកដៃគូ
និងការសរសេរកូតជាដើម) ៖ ដើមទុនដំបូងគឺចំនួន 10,000 ដុល្លា ដែលបានពីការសន្សំ
និងលុយរបស់គ្រួសារនាងមួយចំនួន… Payal បានចាប់ផ្តើមបង្កើត
ជាវេទិកាអនឡាញមួយ… ដែលវាគឺជាសេវាកម្មអនឡាញអាចអនុញ្ញាតឲ្យអ្នកប្រើប្រាស់អានកក់កន្លែងហាត់ប្រាណតាមក្លឹបក្នុងតំបន់…
នៅពេលនោះនាងបានជួលមនុស្សមួយក្រុមតូចដើម្បីពង្រឹង Website និងអភិវឌ្ឍន៍
App...
·
ពង្រឹងគុណភាព និងធ្វើឲ្យមានភាពខុសប្លែក ៖
វេទិកាដំបូងរបស់ Payal គឺត្រូវបានបង្កើតឡើងដើម្បីអាចអនុញ្ញាតឲ្យអ្នកប្រើប្រាស់មានភាពងាយស្រួលក្នុងការចុះឈ្មោះ
និងស្វែងរកក្លឹបហាត់ប្រាណក្នុងតំបន់…
·
តេស្តសាកល្បង និងពង្រឹងគុណភាពផលិតផល (App,អេប) ៖ ក្រោយពីបង្កើតបានជាផលិតផលគម្រូរួច Payal ក៏បានអនុញ្ញាតឲ្យអតិថិជនដំបូងរបស់នាងធ្វើការសាកល្បងប្រើប្រាស់
ដើម្បីទទួលបានព័ត៌មានត្រលប់…
៥…រៀបចំផ្លូវច្បាប់
និងហិរញ្ញវត្ថុ
·
ឆ្នាំ 2013
·
ការចុះឈ្មោះជាផ្លូវការ ៖ នៅក្នុងឆ្នាំ 2013 Payal បានចុះឈ្មោះជាផ្លូវការសម្រាប់អាជីវកម្មរបស់នាង
ដោយនាងបានជ្រើសរើស ឈ្មោះ ClassPass, Inc.
·
ការរៀបចំផ្នែកហិរញ្ញវត្ថុ ៖ Payal ក៏បានរៀបចំប្រព័ន្ធធានាគារដើម្បីគ្រប់គ្រងលំហូរសាច់ប្រាក់
ដោយបែងចែកការប្រើប្រាស់ផ្ទាល់ខ្លួន និងក្រុមហ៊ុនឲ្យនៅដាច់ដោយឡែក…
·
ការអនុវត្តតាមអនុលោម ៖ Payal បានពិភាក្សាជាមួយនឹងអ្នកជំនាញផ្លូវច្បាប់
ដើម្បីធានាពីការចុះឈ្មោះក្រុមហ៊ុន ការបង់ពន្ធ និងការការពារម៉ាកសញ្ញា…
៦…យុទ្ធសាស្រ្តទីផ្សារ
និងការពង្រឹងម៉ាកយីហោ
·
ឆ្នាំ 2013-2014
·
ពង្រឹងអត្តសញ្ញាណនៃម៉ាកយីហោ (ស្លាកសញ្ញា, ឈ្មោះ ....) ៖ ផ្តោតលើភាពសាមញ្ញ ងាយយល់ស្រួលចងចាំ…
·
រៀបចំយុទ្ធសាស្ត្រទីផ្សារ (ប្រើប្រាស់បណ្តាញសង្គម
ការផ្សាយពាណិជ្ជកម្ម និងរៀបចំសាច់រឿង ឬក៏ Storytelling… បងប្អូនចង់ស្វែងយល់ពីយុទ្ធសាស្ត្រទីផ្សារ
និង ការរៀបចំ Storytelling សម្រាប់អាជីវកម្មបន្ថែមសូមអាវសៀវភៅ
What The FCK , បងប្អូនអាចទាក់ទងមកតេលេក្រាមខ្ញុំផ្ទាល់បាន) ៖ Payal និងក្រុមការងារ បានប្រើប្រាស់ Instagram
និង Facebook ដើម្បីពង្រឹងម៉ាកយីហោ… ClassPass
ក៏បានពឹងផ្អែកយុទ្ធសាស្រ្តបុរាណ Word of mouth ឬក៏មាត់មួយទៅមួយមួយផងដែរ ដោយពួកគេបានផ្តល់ជាការលើកទឹកចិត្តក្នុងការប្រើប្រាស់ដោយឥតគិតថ្លៃ…
·
កសាង គេហទំព័រ ( Website និង E-commerce)
៖ Payal បានផ្តោតលើការបង្កើតអេប App សម្រាប់ប្រើប្រាស់លើទូរស័ព្ទ ដើម្បីពង្រឹងភាពងាយស្រួលដល់អ្នកប្រើប្រាស់…
Ø គួរបញ្ជាក់ថាពីដំបូង
ជាពិសេសគឺដើមទុនសម្រាប់ធ្វើទីផ្សារគឺមានតិចខ្លាំង ដោយសារដើមទុនមានកម្រិត
តែដោយសារតែសមត្ថភាពធ្វើជំនួញ និងចំនួនអ្នកប្រើប្រាស់ចាប់ផ្តើមមានការកើនឡើង
វាក៏បានពង្រឹង ClassPass បន្តិចម្តងៗ…
៧…ការលក់ និងចំនួនអ្នកប្រើប្រាស់
·
ឆ្នាំ 2013-2014
·
ដាក់ឲ្យប្រើប្រាស់ជាផ្លូវការ ៖ ClassPass ត្រូវបានដាក់ឲ្យប្រើប្រាស់ជាផ្លូវការក្នុងឆ្នាំ 2013 ក្នុងទីក្រុង New York... សេវាកម្មមួយនេះទទួលបានប្រជាប្រិយភាពយ៉ាងឆាប់រហ័ស
ព្រោះតែភាពបទបែន និងមានទំនោរលើភាពទាន់សម័យសម្រាប់អ្នកដែលចូលចិត្តហាត់ប្រាណ…
·
យុទ្ធសាស្ត្រនៃការលក់ ៖ លក់ផ្ទាល់, លក់ទៅដៃគូ-Gym studio or Gym
club- និងតាមរយៈបុគ្គលមានឥទ្ធិពល Infuencer…
·
ផ្តល់នូវសេវាកម្មដ៏ល្អ ៖ Payal បានផ្តោតលើអតិថិជនជាធំ
ដោយនាងយកចិត្តទុកដាក់យ៉ាងខ្លាំងទៅលើ តម្រូវការអតិថិជន និងធានាថា App ឬវេទិការបស់នាងគឺដំណើរការបានល្អ…
៨…ជួបប្រទះបញ្ហា
និងឧបសគ្គ
·
ឆ្នាំ 2014-2015
·
ការប្រកួតប្រជែង បញ្ហាគាំងលំហូរសាច់ប្រាក់
និងការលក់ចាប់ផ្តើមមានបញ្ហា ៖ ClassPass បានជួបប្រទះបញ្ហាទាំងនេះ
ក្រោយពេលចាប់ផ្តើមបានមួយរយៈ ជាពិសេសគឺដៃគូប្រកួតប្រជែងដែលផ្តល់សេវាកម្មស្រដៀង និងដូចគ្នាទៅនឹង
ClassPass …
ម្ចាស់ក្លឹបហាត់ប្រាណក៏បានចាប់ផ្តើមសួរពីបញ្ហាកម្រៃជើងសារធ្លាក់ចុះ
វាបានបង្កជាបញ្ហាល្អក់កករទុះនាក់ទំនង…
·
ការសម្របខ្លួនទៅនឹងទីផ្សារ
និងការឆ្លើយតបទៅនឹងតម្រូវការអតិថិជន ៖ ដើម្បីអាចឆ្លើយតបនឹងបរិបទទីផ្សារ Payal បានព្យាយាមសម្របខ្លួន ដើម្បីធ្វើការបន្តជាមួយនឹងម្ចាស់ក្លឹប
ហើយនាងក៏បានព្យាយាមណែនាំពីម៉ូឌេលនៃសមាជិកភាពថ្មីៗ ដែលមានភាពបទបែន
នេះគឺជាការឆ្លើយតបជាមួយនឹងតម្រូវការអ្នកប្រើប្រាស់…
·
រៀនសូត្រពីបញ្ហា និងផ្លាស់ប្តូរនៅពេលដែលចាំបាច់ ៖ Payal បានចាប់ផ្តើមផ្លាស់ប្តូរសេវាកម្មពីថ្នាក់ឥតដែនកំណត់ មកជាថ្នាក់អាស្រ័យលើតម្លៃនៃការបញ្ជាទិញ(Subscription
price-base) ដើម្បីធ្វើឲ្យមានសមតុល្យជាមួយនឹងកម្រិតចំណូល…
៩…ស្វែងរកវីធីដើម្បីឈ្នះ
·
ឆ្នាំ
2016-2016
·
បង្កើតភាពខុសប្លែក ៖ Payal
ដឹងថាបើនៅតែបន្តបែបនេះនាងនឹងជួបប្រទះបញ្ហាជាច្រើនបន្តទៀត
ដូច្នេះនាងក៏បានពង្រីកខ្លួនដើម្បីធ្វើឲ្យមានភាពខុសប្លែកពីដៃគូប្រកួតប្រជែង
ដោយក្នុងនោះនាងបានចាប់ផ្តើមពង្រីក សេវាកម្មបន្ថែមដូចជា សេវាកម្មព្យាបាលដោយស្ប៉ា,
សេវាកម្មថែរក្សាសម្រស់, និងសេវាកម្មថែក្សាសុខភាពជាដើម…
·
បេសកកម្ម និងទស្សនវិស័យ ៖ Payal
បានចាប់ផ្តើមបន្ថែមបេសកកម្ម និងទស្សនវិស័យ ដោយនាងបានរួមបញ្ចូល
បញ្ហាសុខភាព សម្រស់ បន្ថែម ដូច្នេះ ClassPass មិនត្រឹមតែជាសេវាកម្មជំនួយការហាត់ប្រាណប៉ុណ្ណោះទេ
តែក៏មាន បញ្ចូលនូវសេវាកម្មសុខភាព និងសម្រស់ផងដែរ
ទាំងនេះគឺជាភាពចាំបាច់បំផុតដែលមនុស្សត្រូវការ…
១០…ពង្រឹង
និងពង្រីក
·
ឆ្នាំ 2016-2017
·
ពង្រីកប្រតិបត្តិការ (ផលិតផលថ្មី ទីផ្សារថ្មី
និងចំនួនសមាជិកបន្ថែម) ៖ ClassPass បានបង្រីកបន្ថែមទៅដល់ចំនួន 35 ទីក្រុងបន្ថែមក្នុងទឹកដីសហរដ្ឋអាមេរិក
និងថែមទាំងបានពង្រីកជាសកលទៅដល់ទ្វីបអ៊ឺរ៉ុប និងទ្វីបអាស៊ីមួយចំនួនផងដែរ…
·
ពង្រឹងគុណភាព ៖ ClassPass ក៏បានពង្រឹងគុណភាពបន្ថែមដើម្បីធានាដល់ប្រសឹទ្ធិភាពនៃការប្រើប្រាស់
ដោយពួកគេបានបន្ថែមនូវបច្ចេកវិទ្យា ស្វ័យប្រវត្តិ…
·
ពង្រឹងម៉ាកយីហោ និងថែរក្សាម៉ូយចាស់-Customer loyalty ៖ ClassPass នៅតែបន្តពង្រីក
និងពង្រឹងម៉ាកយីហោបន្ថែម ជាពិសេសគឺជាថែរក្សាអតិថិជនចាស់តាមរយៈការលើកទឹកចិត្តផ្សេងៗ
ដើម្បីឲ្យពួកគេអាចរក្សាការប្រើប្រាស់សេវាកម្មបានយូរ…
១១…ស្ថេរភាព
និងភាពជោគជ័យរយៈពេលយូរ
·
2018-បច្ចុប្បន្ន
·
ច្នៃប្រឌិតបន្ថែម ដើម្បីរក្សាជំហរទីផ្សារ ៖ ClassPass បានសិក្សាស្រាវជ្រាវ
និងពង្រីកគំនិតច្នៃប្រឌិតជាច្រើន ជាពិសេសគឺការពង្រីកសេវាកម្មបន្ថែម…
·
កសាងក្រុមការងារ និងពង្រីកភាពជាអ្នកដឹកនាំ ៖ ClassPass បានចាប់ផ្តើមក្រុមធនធានមនុស្ស និងបង្កើត និងពង្រីកមេដឹកនាំគ្រាក់
ដោយពួកគេបានជួលក្រុមមនុស្សដែលមានសមត្ថភាព ដោយហ៊ានលើការចំណាយ កំឡុងពេលដែល ClassPass
ចាប់ផ្តើមមានសក្តានុពលខ្លាំង …
·
ពង្រឹងស្ថេរភាពហិរិញ្ញវត្ថុ និងវិនិយោគបន្ត ៖ ClassPass បានពង្រីកទុនវិនិយោគបានរហូតដល់ចំនួន 250,000,000 ដុល្លា
នៅក្នុងឆ្នាំ 2019 ដែលវាបានជួយរក្សាជំហរក្រុមហ៊ុនមួយនេះបានយ៉ាងល្អនៅក្នុងវិស័យ
សុខភាព និងសម្រស់…
Ø បច្ចុប្បន្នក្រុមហ៊ុនមួយនេះមានតម្លៃនៅលើទីផ្សារប្រមាណជា 1,000,000,000 ដុល្លា
លម្អិតអំពីហិរញ្ញវត្ថុ
Ø ឆ្នាំ 2012 ឆ្នាំដំបូងនៃការចាប់ផ្តើម ដើមទុន 10,000 ដុល្លា
Ø ឆ្នាំ 2013 ក្រោយពីម៉ាកយីហោចាប់ផ្តើមមានទីផ្សារ ក្រុមហ៊នបានពង្រីកដើមទុនបន្ថែម 2,000,000
ដុល្លា (ទុនអ្នកវិនិយោគ)
Ø ឆ្នាំ 2014 ដើមទុនបន្ថែម 10,000,000 ដុល្លា (ទុនអ្នកវិនិយោគ)
Ø ឆ្នាំ 2015 ដើមទុនបន្ថែម 30,000,000 ដុល្លា (ទុនអ្នកវិនិយោគ)
Ø ឆ្នាំ 2019 ទុនសរុបចុងក្រោយ 250,000,000
ដុល្លា (ទុនអ្នកវិនិយោគ)
-------------------
Ø ក្នុងករណីបងប្អូនយកក្បួននេះទៅប្រមូលលុយអ្នកដ៏ទៃ
ខ្ញុំមិនទទួលខុសត្រូវជាដាច់ខាត…
Ø ជាចុងក្រោយខ្ញុំសូមអរគុណដល់បងប្អូនដែលបានព្យាយាមអានលម្អិត
ខ្ញុំសង្ឃឹមថាបងប្អូននឹងពេញចិត្ត
ហើយវាក៏អាចនឹងក្លាយជាផ្នែកមួយជាគម្រូសម្រាប់អាជីវកម្មរបស់បងប្អូន
ហើយខ្ញុំក៏សូមជូនពរបងប្អូនជោគជ័យនៅក្នុងជីវិត…
Ø បើសិនជាបងប្អូន
ចង់ទទួលបានភាពលម្អិតក្នុងក្បួនរៀបចំយុទ្ធសាស្ត្រអាជីវកម្មខ្នាតតូច បងប្អូនអាចូលរួមជាមួយខ្ញុំបានតាមរយៈលីងតេលេក្រាមខាងក្រោម
តម្លៃត្រឹមតែ 15 ដុល្លាប៉ុណ្ណោះ នឹងទទួលបាន៖
ü សៀវភៅយុទ្ធសាស្ត្ររៀបចំ Storytelling សម្រាប់អាជីវកម្មមួយក្បាលដែលមានតម្លៃ
10 ដុល្លា ដោយឥតគិតថ្លៃ (ដឹកជញ្ញ្ជូនឥតគិតថ្លៃ)…
ü គម្រូផែនការអាជីវកម្មខ្នាតតូច…
ü របៀបដោះស្រាយបញ្ហាប្រឈមក្នុងអាជីវកម្ម…
ü គន្លឹះប្រើប្រាស់បណ្តាញសង្គមឲ្យអស់ពីសក្តានុពលដោយឥតគិតថ្លៃ
សម្រាប់ពង្រីកអាជីវកម្ម (មេរៀន)
ü គន្លឹះបង្កើតមាតិកាដើម្បីជម្រុញអាជីវកម្ម
(មេរៀន)
Ø សូមចុចលីងតេលេក្រាម
https://t.me/Mr_EangNisotheara ឬ ចុចលេខ Telegram 099 33
77 37
Comments
Post a Comment